రాఘవులుకు మతి లేదు: నారాయణ

విజయవాడ: మంగళగిరి శాసనసభా నియోజకవర్గం విషయంలో ఉభయ కమ్యూనిస్టు పార్టీల నాయకులు మాటల యుద్ధం సాగిస్తూనే ఉన్నారు. మంగళగిరి సీటు విషయంలో సిపిఎం రాష్ట్ర కార్యదర్శి బివి రాఘవులు పచ్చి అబద్ధాలు మాట్లాడుతున్నారని సిపిఐ రాష్ట్ర కార్యదర్శి కె.నారాయణ విమర్శించారు. రాఘవులు అబద్ధాలు మాట్లాడుతున్నారని చెప్పడానికి తెలుగుదేశం పార్టీ అధ్యక్షుడు నారా చంద్రబాబు నాయుడే సాక్షి అని ఆయన శనివారం మీడియా ప్రతినిధులతో అన్నారు. రాఘవులు అబద్ధాలు మాట్లాడుతున్నంత వరకు తాను వాస్తవాలే చెప్తానని నారాయణ అన్నారు. రాఘవులు మతిలేని మాటలు మాట్లాడుతున్నారని ఆయన వ్యాఖ్యానించారు.

నిబంధనలు ఉల్లంఘించిన బ్రాహ్మణి స్టీల్ కంపెనీ లైసెన్సు రద్దు చేయాలని ఆయన ప్రభుత్వాన్ని డిమాండ్ చేశారు. మైలవరం జలాశయం నుంచి నీటి తరలింపును అడ్డుకుంటామని ఆయన హెచ్చరించారు. ప్రభుత్వ విధానాల వల్లనే నిత్యావసర సరుకుల ధరలు అదుపు తప్పుతున్నాయని ఆయన విమర్శించారు.