రహస్య స్థావరానికి జాక్సన్ శవం

లాస్ ఏంజెల్స్: పాప్ రారాజు మైఖెల్ జాక్సన్ భౌతిక కాయాన్ని మెమోరియల్ సర్వీస్ నుంచి రహస్యంగా తరలించినట్లు సమాచారం. ప్రత్యేకమైన సొరంగం ద్వారా జాక్సన్ భౌతిక కాయాన్ని స్టేపుల్ లోని మెమోరియల్ సర్వీసు నుంచి రహస్యంగా తరలించినట్లు ఇ ఆన్ లైన్ పత్రిక రాసింది. అభిమానులకు భయపడి శవపేటికను సొరంగం ద్వారా ఈ నెల 7వ తేదీన రహస్యంగా సెక్యూరిటీ గార్డులు అక్కడి నుంచి తరలించారు.

ఆ సొరంగ మార్గం స్టేపుల్ సెంటర్ ను నోకియా థియేటర్ తో కలుపుతుంది. ఈ సొరంగ మార్గాన్ని సాధారణంగా నిర్వహణ, ఫుడ్ సర్వీస్ వర్కర్లు వాడుతారు. జాక్సన్ సోదరీమణులు లా టోయా, రెబ్బీ, జానెత్ లు బంగారు శవపేటికతో పాటు వెళ్లినట్లు సమాచారం. నోకియా థియేటర్ నుంచి వాహనంలో శవపేటికను రహస్య స్థావరానికి తరలించినట్లు చెబుతున్నారు.