డ్రగ్స్ వల్లనే జాక్సన్ మృతి

లాస్ ఏంజెల్స్: మితి మీరిన డ్రగ్స్ వల్లనే పాప్ రారాజు మైఖెల్ జాక్సన్ మృతి చెందినట్లు ప్రాథమిక శవ పరీక్షల్లో తేలింది. ఆయన శరీరంలో పెయిన్ కిల్లర్ డెమెరోల్, హెరాయిన్ కు ప్రత్యామ్నాయమైన మెథదోడ్ స్థాయికి మించి ఉన్నట్లు తేలింది. జాక్సన్ తీసుకున్న స్థాయికి మించిన డ్రగ్స్ సాధారణమైన మనిషిని ఎవరినైనా చంపుతాయని ది సన్ టాబ్లాయిడ్ రాసింది. జాక్సన్ విపరీతంగా డ్రగ్స్ తీసుకుంటూ వస్తున్నాడు.

ఈ ప్రాథమిక దర్యాప్తు నివేదికను లాస్ ఏంజెల్స్ కౌంటీ దర్యాప్తు అధికారి కార్యాలయానికి అందింది. జాక్సన్ ను ఆ పత్రిక వాకింగ్ డ్రగ్ స్టోర్ గా అభివర్ణించింది. విపరీతమైన గ్జనాక్స్ డోజు కూడా ఉందని పత్రి రాసింది. నిద్రకోసం వాడిన ప్రొపొఫోల్ కూడా విపరీతంగా ఉందని చెప్పింది. డిలౌడిడ్ కూడా విపరీతంగా వాడినట్లు ఆ పత్రిక రాసింది. జాక్సన్ వాడిన మరిన్ని డ్రగ్స్ పేర్లను ఆ పత్రిక ఉటంకించింది.