కాంగ్రెస్ లో అటువంటివి లేవు: డిఎస్

వరంగల్‌: తెలుగుదేశం పార్టీ, మరికొందరు ఆరోపిస్తున్నట్లు కాంగ్రెస్‌ పార్టీలో ఆకర్ష్‌, వికర్ష్‌ లాంటి పథకాలు లేవని పీసీసీ అధ్యక్షుడు డి శ్రీనివాస్‌ అన్నారు. మంగళవారం ఆయన వరంగల్‌లో మీడియా సమావేశంలో మాట్లాడుతూ ఓట్ల శాతాన్ని 37 నుంచి 50 శాతం పెంచటమే తమ థ్యేయమన్నారు.

టీడీపీ సీనియర్‌ నేత నన్నపనేని రాజకుమారిపై దాడి విషయం మీడియా ద్వారానే తెలిసిందన్నారు. ఏమి జరిగిందో నివేదిక తెప్పించుకుని తగిన చర్యలు తీసుకుంటామని డీఎస్‌ తెలిపారు. కాగా నన్నపనేనిపై దాడి జరగటం బాధాకరమని మహిళా శిశు సంక్షేమ మంత్రి కొండా సురేఖ అన్నారు. దగ్గుపాటిని గురించి నన్నపనేని అలా వ్యాఖ్యానించి ఉండకూడదని ఆమె అభిప్రాయపడ్డారు.