దగ్గుబాటి మగాడా? రాజకుమారి

హైదరాబాద్: తెలుగుదేశం ఎమ్మెల్సీ నన్నపనేని రాజకుమారి మరోమారు మండిపడ్డారు. పరుచూరు కాంగ్రెస్‌ ఎమ్మెల్యే దగ్గుబాటి వెంకటేశ్వరరావుపై విరుచుకుపడ్డారు. కారంచేడు సంఘటనల్లో గాయపడిన నన్నపనేని హైదరాబాద్‌ లోని నిమ్స్‌లో చికిత్స పొందుతున్నారు. ఈ సందర్భంగా విలేఖరులతో మాట్లాడారు.

కారంచేడు సంఘటనలో తనకు, గన్‌ మన్‌ కు గాయా లు తగిలినపుడు గన్‌ మన్‌ రక్తం తాను పూసుకుని డ్రామాలు చేస్తున్నట్లు దగ్గుబాటి ఆరోపిస్తున్నారని చెబుతూ.."అసలు ఆ మనిషికి మెంటలా" అన్నారు. వెంటనే అతణ్ని అరెస్టు చేయకుంటే ఆస్పత్రి నుంచి విడుదలైన తర్వాత పోరాడతానన్నారు. దగ్గుబాటి మీడియాతో మాట్లాడుతూ తనను ఆడదా అని ప్రగల్భాలు పలికాడని, ఇపుడు నిజంగా దగ్గుబాటి వెంకటేశ్వరరావు మగాడా అనాల్సిన అవసరం ఉందని కూడా వ్యాఖ్యానించారు.