మన్మోహన్ తో హిల్లరీ భేటీ

న్యూఢిల్లీ: ఐదు రోజుల భారత పర్యటనకు వచ్చిన అమెరికా విదేశాంగ మంత్రి హిల్లరీ క్లింటన్ సోమవారం భారత ప్రధాని డాక్టర్ మన్మోహన్ సింగ్ తో భేటీ అయ్యారు.అమెరికా, భారత్ ల మధ్య సంబంధాల పెంపుతో పాటు ఉగ్రవాదం, పాకిస్తాన్ లపై ఇరువురి మధ్య చర్చలు జరిగినట్లు తెలుస్తోంది. హిల్లరీ మన్మోహన్ సింగ్ నివాసానికి వెళ్లి ఆయనతో సమావేశమయ్యారు.

కీలకమైన రక్షణ ఒప్పందంపై ఇరు దేశాల మధ్య సంతకాలు జరగవచ్చునని భావిస్తున్నారు. భారత్ కు అత్యాధునిక రక్షణ ఆయుధాలను అమెరికా అమ్మేందుకు ఈ ఒప్పందం అవకాశం కల్పిస్తుంది. దీని కింద 125 మల్టీ రోల్ ఫైటర్లను భారత్ కొనుగోలు చేస్తుంది. ఫ్రపంచంలోనే అతి పెద్ద రక్షణ ఒప్పందంగా దీన్ని భావిస్తున్నారు. హిల్లరీ క్లింటన్ భారత విదేశాంగ మంత్రి ఎస్ఎం కృష్ణను కూడా కలిసే అవకాశం ఉంది.