లాడెన్ కుమారుడు సాద్ మృతి

వాషింగ్టన్‌: ఈ ఏడాది ప్రారంభంలో అమెరికా జరిపిన వైమానిక దాడుల్లో ఆల్ ఖైదా అధినేత ఒసామా బిన్ లాడెన్ కుమారుల్లో ఒకతను మరణించినట్లు నేషనల్ పబ్లిక్ రేడియో వార్తను ప్రసారం చేసింది. లాడెన్ మూడో కుమారుడు సాద్ బిన్ లాడెన్ మరణించినట్లు ఆ రేడియో వెబ్ సైట్ రాసింది. అఫ్గాన్, పాకిస్తాన్ సరిహద్దుల్లో అతను మరణించినట్లు తెలుస్తోంది.

80 నుంచి 85 శాతం సాద్ బిన్ లాడెన్ మరణించినట్లు అమెరికా గూఢచార సంస్థలు అంటున్నాయి. అయితే శవం లభ్యమై డిఎన్ఎ పరీక్షలు జరిపితే తప్ప అది వందశాతం రుజువు కాదని అంటున్నారు. 20 ఏళ్ల సాద్ ఇరాన్ లో చిన్న గ్రూపుతో పనిచేస్తుండగా 2003లో అరెస్టయ్యాడు. ఆల్ ఖైదా అతను కీలక పాత్ర పోషించినట్లు చెబుతున్నారు.