గామన్ ఇండియాపై రెండేళ్ల నిషేధం

న్యూఢిల్లీ: తాను తీసుకున్న చర్యల నివేదికను ఢిల్లీ మెట్రో రైలు కార్పోరేషన్ నివేదికను మంగళవారం కేంద్ర పట్టణాభివృద్ధి శాఖ మంత్రి ఎస్ జైపాల్ రెడ్డికి సమర్పించారు. ఈ నెల 12వ తేదీన జరిగిన మెట్రో రైలు ప్రాజెక్టు ప్రమాదంపై నలుగురు సభ్యుల నిపుణుల కమిటీ విచారణ జరిపి నివేదికను రూపొందించింది. మెట్రో రైలు ప్రాజెక్టు నిర్మాణ సంస్థ గామన్ ఇండియాను రెండేళ్ల పాటు నిషేధించినట్లు ఆ నివేదికలో తెలిపారు. గామన్ ఇండియాకు షో కాజ్ నోటీసు కూడా జారీ చేశారు.

షోకాజ్ కు సమాధానం ఇవ్వకపోతే గామన్ ఇండియాను బ్లాక్ లిస్టులో పెడతారు. డిఎంఆర్సీ ఇంజినీర్లను సస్పెండ్ చేసినట్లు తెలిపారు. డిజైన్ కన్సల్టెంట్లను ఐదేళ్ల పాటు బ్లాక్ లిస్టులో పెట్టారు. స్ట్రక్చరల్ డిజైన్ ఇంజినీర్స్ టాండన్ కన్సస్ట్రక్షన్స్ ను మూడైళ్ల పాటు నిషేధించారు. తదుపరి నిర్మాణం కోసం స్వతంత్ర ఇంజినీర్లను నియమించనున్నట్లు డిఎంఆర్సీ చెప్పింది. గత పదేళ్లుగా వివిధ మెట్రో ప్రమాదాల్లో 69 మంది మరణించారు. వీరెవరికీ నష్టపరిహారం లభించలేదు.