హిందీ నటి లీలా నాయుడు మృతి

ముంబై: ప్రముఖ హిందీ చలనచిత్ర నటి లీలా నాయుడు మంగళవారం కన్ను మూశారు. చాలా కాలంగా ఆమె అస్వస్థతతో బాధపడుతున్నారు. ఆమె పలు హిందీ సినిమాల్లో నటించారు. బాల్ రాజ్ సహానీ అనురాధ చిత్రంతో 1960లో ఆమె హిందీ చలనచిత్ర రంగంలో ప్రవేశించారు.

కెఎం నానావతి వర్సెస్ మహారాష్ట్ర కోర్టు కేసు ఆధారంగా నిర్మించిన ఏ రాస్తే హై ప్యార్ కే (1963) సినిమాలో సునీల్ దత్ సరసన పోషించిన పాత్ర ఆమెకు ఎనలేని పేరు తెచ్చి పెట్టింది. లీలా నాయుడు మొదట ఒబెరాయ్ హోటల్ వ్యవస్థాపకుడు మోహన్ సింగ్ ఒబెరాయ్ కుమారుడు బిక్కీ ఒబెరాయ్ ని పెళ్లి చేసుకున్నారు. ఆయనకు విడాకులు ఇచ్చి కవి డామ్ మోరేస్ ను పెళ్లిచేసుకున్నారు.