జాక్సన్ కేసు: ముర్రే ఇల్లు సోదా

లాస్ ఏంజెల్స్: మోతాదుకు మించి నిద్ర పట్టే డ్రగ్స్ ఇచ్చినందువల్లనే పాప్ రారాజు మైఖెల్ జాక్సన్ మృతి చెందాడనే వార్తలు వచ్చిన నేపథ్యంలో పోలీసులు లాస్ వేగాస్ లోని డాక్టర్ కొన్రాడ్ ముర్రే ఇంటిలో సోదాలు నిర్వహించారు. కొన్రాడ్ ముర్రే మైఖెల్ జాక్సన్ వ్యక్తిగత వైద్యుడు. జాక్సన్ కు ప్రొపొఫోల్ మోతాదుకు మించి ఇవ్వడం వల్ల గుండె ఆగి జాక్సన్ చనిపోయినట్లు దర్యాప్తు అధికారులు భావిస్తున్నట్లు వార్తలు వచ్చాయి.

తాను జాక్సన్ కు ప్రొపొఫోల్ ఇచ్చినట్లు ముర్రే అంగీకరించినట్లు సెలిబ్రిటీ వైబ్ సైట్ టిఎంజడ్ డాట్ కామ్ రాసింది. అయితే జాక్సన్ గుండె ఆగియిన విషయాన్ని వైద్యుడు గమనించలేదని పోలీసులు భావిస్తున్నట్లు రాసింది. గత వారం పోలీసులు హూస్టన్ లోని ముర్రే కార్యాలయాలపై దాడులు నిర్వహించారు. రెండు శవపరీక్షల నివేదికలను కూడా ఇప్పటి వరకు వెల్లడించలేదు. అయితే ప్రొపొఫోల్ వల్లనే జాక్సన్ మరణించినట్లు దర్యాప్తు అధికారులు భావిస్తున్నారు.