తల్లికి జాక్సన్ పిల్లల శాశ్వత కస్టడీ

లాస్ ఏంజెల్స్: పాప్ రారాజు మైఖెల్ జాక్సన్ తల్లికి ఆయన పిల్లల శాశ్వత కస్టడీ లభించింది. ముగ్గురు పిల్లలను తన కస్టడీకి తీసుకోవడానికి జాక్సన్ తల్లి కాథరీన్ ఆయన మాజీ భార్య డెబ్బీ రోవేతో కోర్టు వెలుపల ఒప్పందం కుదుర్చుకున్నారు. రోవె జాక్సన్ ఇద్దరు పెద్ద పిల్లల తల్లి. ఆమెకు అర్థవంతమైన సందర్శన హక్కుల లభిస్తాయి.

ఒప్పందం మేరకు కాథరీన్ జాక్సన్ ప్రిన్స్ మైఖెల్, పారిస్ మైఖెల్, ప్రిన్స్ మైఖెల్-2 బ్లాంకెట్ లను తన కస్టడీలోకి తీసుకునే హక్కును పొందింది. రోవేకు చట్టపరమైన మాతృత్వ హక్కులుంటాయి. కాథరీన్, రోవేల న్యాయవాదులు ఈ ఒప్పందాన్ని కోర్టు ముందుంచుతారు. కాథరిన్ కు జాక్సన్ పిల్లలను తాత్కాలిక కస్టడీకి అప్పగిస్తూ కోర్టు తన నిర్ణయాన్ని ఇంతకు ముందు ప్రకటించింది.