ఒమేర్ జాక్సన్ కొడుకే: జో

లండన్: ఒమేర్ భట్టీ పాప్ రారాజు మైఖైల్ జాక్సన్ కుమారుడేనని జాక్సన్ తండ్రి జో జాక్సన్ ధృవీకరించారు. ఒమేర్ భట్టీ జాక్సన్ నాలుగో సంతానమని ఆయన చెప్పారు. జాక్సన్ స్మారక కార్యక్రమంలో 25 ఏల్ల భట్టీ తొలి వరుసలో కూర్చున్నాడని, అతను జాక్సన్ సోదరులు, సోదరీలతో పాటు ముందు వరుసలో నల్ల కళ్లద్దాలు ధరించి తల వంచుకుని కూర్చున్నాడని వార్తలు వచ్సాయి. ఆ వార్తలను జో జాక్సన్ ధృవీకరించారు.

మైఖెల్ జాక్సన్ కు మరో కుమారుడు ఉన్నట్లు తనకు తెలుసునని, అతను జాక్సన్ లాగా చూస్తాడని, జాక్సన్ లాగే నటిస్తాడని, జాక్సన్ లాగే నృత్యం చేస్తాడని జో చెప్పినట్లు సన్ పత్రిక రాసింది. ఆ బాలుడు అద్భుతమైన డ్యాన్సర్ అని, అతను నృత్య పాఠాలు చెప్తాడని జో అన్నారు. నార్పేజియన్ స్త్తీ ద్వారా ఒమేర్ భట్టీని జాక్సన్ పొందినట్లు సమాచారం.