విజయశాంతికి డిఎస్ బాసట

హైదరాబాద్: తెలంగాణ రాష్ట్ర సమితి (తెరాస) పార్లమెంటు సభ్యురాలు విజయశాంతికి ప్రదేశ్ కాంగ్రెసు కమిటీ (పిసిసి) అధ్యక్షుడు డి శ్రీనివాస్ బాసటగా నిలిచారు. విజయశాంతిని తమ పార్టీ శాసనసభ్యుడు తూర్పు జయప్రకాశ్ రెడ్డి (జగ్గారెడ్డి) కలవడాన్ని కూడా ఆయన సమర్థించారు. విజయశాంతిని తూర్పు జయప్రకాష్ రెడ్డి కలిస్తే తప్పేమిటని ఆయన శనివారం మీడియా ప్రతినిధుల సమావేశంలో తెరాస నాయకులను ప్రశ్నించారు. ప్రలోభాలనకు లొంగిపోవాల్సిన పరిస్థితిలో విజయశాంతి లేదని, తాము విజయశాంతిని ప్రలోభాలకు గురి చేసే అవసరం కూడా లేదని ఆయన అన్నారు. తమ పార్టీ నాయకులు ఇతర పార్టీల నాయకులను కలవడం సర్వసాధారణమేనని ఆయన అభిప్రాయపడ్డారు.

ఇతర పార్టీల శాసనసభ్యులను, నాయకులను ఆకర్ఠించాల్సిన అవసరం తమ పార్టీకి లేదని ఆయన అన్నారు. ఇతర పార్టీల నాయకులు కోరి తమ పార్టీలోకి వస్తే మాత్రం కాదనబోమని ఆయన చెప్పారు. శాసనసభా సమావేశాలు సజావుగా జరగడానికి ప్రతిపక్షాలు సహకారం అందించాలని ఆయన కోరారు. తెలంగాణ అంశానికి నాయకులే సర్వస్వం కాదని ఆయన అన్నారు.