వైయస్, బాబు, చిరుల రక్షాబంధన్

హైదరాబాద్: ముఖ్యమంత్రి వైయస్ రాజశేఖర రెడ్డికి రాఖీ పౌర్ణమి సందర్భంగా పలువురు మహిళలు, చిన్నారులు బుధవారం ఉదయం ఆయన క్యాంపు కార్యాలయంలో రాఖీలు కట్టారు. డ్వాక్రా మహిళలు కూడా ఆయన చేతికి రాఖీలు కట్టారు. తమ ప్రభుత్వం మహిళల సంక్షేమానికి చిత్తశుద్ధితో కృషి చేస్తుందని వైయస్ రాజశేఖర రెడ్డి అన్నారు.

తెలుగుదేశం పార్టీ అధ్యక్షుడు నారా చంద్రబాబు నాయుడికి పార్టీ మహిళ శాసనసభ్యులు రాఖీలు కట్టారు. అలాగే, చిన్నారుల మధ్య ప్రజారాజ్యం పార్టీ అధినేత చిరంజీవి రక్షాబంధన్ పర్వదినాన్ని జరుపుకున్నారు. మహిళలకు ఆయన ఈ సందర్భంగా రక్షాబంధన్ శుభాకాంక్షలు తెలిపారు.