వైయస్ ఎందుకన్నారో: రోజా

హైదరాబాద్: తాను తెలుగుదేశంలోనే ఉన్నానని, ముఖ్యమంత్రి డాక్టర్ వైయస్ రాజశేఖర రెడ్డి ఎందుకలా అన్నారో తెలియదని తెలుగు మహిళ అధ్యక్షురాలు రోజా అన్నారు. తాను తెలుగుదేశం పార్టీని వీడిపోవాల్సిన అవసరం లేదని ఆమె బుధవారం మీడియా ప్రతినిధులతో అన్నారు. తనను తెలుగుదేశం పార్టీలో చెల్లెగా చూస్తున్నారని, తనకు మంచి అవకాశాలు ఇస్తున్నారని, అందువల్ల తెలుగుదేశం పార్టీని వీడే ప్రసక్తి లేదని ఆమె అన్నారు.

రోజా కూడా కాంగ్రెసు పార్టీలో చేరడానికి సిద్ధంగా ఉన్నారని, నిన్న కూడా కొంత మంది తన వద్దకు వచ్చి ఆ విషయం చెప్పారని ముఖ్యమంత్రి వైయస్ రాజశేఖర రెడ్డి కొంత మంది మీడియా ప్రతినిధులతో అన్నారు. తాము తలుపులు బార్లా తెరవలేదని, తాము బార్లా తెరిస్తే ప్రతిపక్షాలు ఖాళీ అవుతాయని ఆయన అన్నారు.