వాటా కోసం పోరాడుతాం: వైయస్

హైదరాబాద్: కృష్ణా - గోదావరి బేసిన్ (కెజి బేసిన్)లో రాష్ట్రానికి తగిన వాటా రాబట్టేందుకు పోరాటం చేస్తామని ముఖ్యమంత్రి డాక్టర్ వైయస్ రాజశేఖర రెడ్డి చెప్పారు. ఇక్కడ లభించే గ్యాస్ ను మొదటి దశలో హైదరాబాద్, కాకినాడ, విజయవాడ నగరాలకు, మున్సిపాలిటీలకు గొట్టాల ద్వారా అందించేందుకు తగిన ప్రణాళిక రూపొందించాలని ఆయన అధికారులను ఆదేశించారు. కెజి బేసిన్ గ్యాస్ పై ఆయన మంగళవారం ఉన్నతస్థాయి సమావేశం నిర్వహించారు. ప్రస్తుతం కెజి బేసిన్ నుంచి రాష్ట్రానికి దక్కాల్సిన వాటా దక్కుతోందని, అంతకు తక్కువ అందడం లేదని ఆయన చెప్పారు.

కెజి బేసిన్ నుంచి అవసరాలకు తగిన మేరకు గ్యాస్ అందుతోందని ఆయన సంతృప్తి వ్యక్తం చేశారు. మన రాష్ట్రానికి సరిపడా గ్యాస్ ను కేంద్రం ఇప్పటికే మనకు కేటాయించిందని ఆయన చెప్పారు. ఇంటింటికీ గొట్టాల ద్వారా గ్యాస్ సరఫరా చేసేందుకు వీలుగా సంబంధిత కంపెనీలతో సమావేశం ఏర్పాటు చేసి ఒప్పందం చేసుకుంటామని ఆయన చెప్పారు.