తేలికగా కొట్టేసిన ప్రకాష్ రాజ్

చెన్నై: తాను మహిళారాజ్యం అధ్యక్షురాలు శోభారాణితో తన వివాహం జరిగినట్లు వచ్చిన వార్తలను సినీ నటుడు ప్రకాష్ రాజ్ తేలికగా కొట్టిపారేశారు. ఆ వార్తలపై ప్రతిస్పందించడానికి ఆయన నిరాకరించారు. ఆయన ప్రస్తుతం చెన్నైలో ఒక సినిమా షూటింగులో ఉన్నారు. ఆ సమయంలో తెలుగు టీవీ చానెల్ ప్రతినిధి ఆయనను సంప్రదించారు. ఆ సమయంలో ఆయన మాట్లాడడానికి నిరాకరించినట్లు ఆ చానెల్ ప్రతినిధి చెబుతున్నారు.

తమ వివాహంపై ప్రకాష్ రాజ్ నే అడగాలని శోభారాణి అన్నారు. పెళ్లి వ్యవహారం చాలా సున్నితమైందని ఆమె అన్నారు. ప్రకాష్ రాజ్ ఏమైనా చెప్తారేమో చూడండని ఆమె అన్నారు. ఈ వివాహం వార్తపై సినీ పరిశ్రమ ఏ విధంగా ప్రతిస్పందించడం లేదు.