టిడిపికి శ్రీనివాసులు నాయుడు రాజీనామా

హైదరాబాద్: తెలుగుదేశం పార్టీకి ఆ పార్టీ నాయకుడు శ్రీనివాసులు నాయుడు రాజీనామా చేశారు. టి.దేవేందర్ గౌడ్ ను తిరిగి పార్టీలోకి ఆహ్వానించడాన్ని నిరసిస్తూ ఆయన శుక్రవారం రాజీనామా చేశారు. తెలుగుదేశం పార్టీని వీడడం చారిత్రక తప్పిదమని దేవేందర్ గౌడ్ మనసులోంచి వచ్చిన మాట కాదని, వ్యక్తిగత ప్రయోజనాల కోసమే దేవేందర్ గౌడ్ గతంలో పార్టీని వీడారని ఆయన విమర్శించారు. తెలుగుదేశం దేవేందర్ గౌడ్ కు రాజకీయ జీవితం ఇచ్చిందని, అత్యున్నత స్థాయికి చేర్చిందని, అత్యున్న పదవులు ఆనుభవించి ఆ పార్టీకే అపఖ్యాతి తెచ్చి పెట్టారని ఆయన విమర్శించారు.

దేవేందర్ గౌడ్ రాజకీయ విలువలకు తిలోదకాలిచ్చారని ఆరోపిస్తూ ఏ కారణంతో ఆ వ్యక్తిని తిరిగి పార్టీలో చేర్చుకున్నారని ఆయన చంద్రబాబును ప్రశ్నించారు. గతంలో కూడా శ్రీనివాసులు నాయుడు చంద్రబాబును విమర్శిస్తూ బహిరంగ లేఖ రాశారు. పార్టీ ఓటమికి కారణం చంద్రబాబు హామీలను ప్రజలు నమ్మకపోవడమేనని ఆయన అన్నారు.