బైతుల్లా బతికే ఉన్నాడు: హకీముల్లా

ఇస్లామాబాద్: తమ నేత బైతుల్లా మసూద్ మరణించలేదని పాకిస్తాన్ తాలిబాన్ కమాండర్ హకీముల్లా మసూద్ చెప్పాడు. అమెరికా దాడుల్లో మసూద్ మరణించినట్లు వార్తల్లో నిజం లేదని అతను స్పష్టం చేశాడు. ఈ మేరకు బిబిసి ఓ వార్తాకథనాన్ని ప్రసారం చేసింది. నిఘా సంస్థలు మసూద్ మరణించినట్లు పుకార్లు పుట్టిస్తున్నాయని అతను అన్నట్లు బిబిసి ఉర్దూ సర్వీస్ వెబ్ సైట్ రాసింది.

మసూద్ అమెరికా దాడుల్లో మరణించి ఉంటాడని పాకిస్తాన్ విదేశాంగ మంత్రి చెప్పారు. ఆ వార్తలను పాకిస్తాన్ తాలిబాన్ ధృవీకరించినట్లు కూడా వార్తలు వచ్చాయి. కాగా, మసూద్ మరణించి ఉంటే మంచిదేనని అమెరికా వ్యాఖ్యానించింది. మసూద్ మరణించినట్లు వచ్చిన వార్తలను అమెరికా నమ్ముతున్నట్లు లేదు.