ఎట్టకేలకు జాక్సన్ అంత్యక్రియలు

లండన్: ఏ విధమైన సందడి లేకుండా ఎట్టకేలకు పాప్ రారాజు మైఖెల్ జాక్సన్ భౌతిక కాయానికి అంత్యక్రియలు జరిగాయి. ఆయన జూన్ 25వ తేదీన మరణించి విషయం తెలిసిందే. అభిమానుల సందడి లేకుండా ఆయన భౌతిక కాయాన్ని హాలీవుడ్ హిల్స్ లోని ఫారెస్టు లాన్ లో గల స్మశానవాటికలో సమాది చేసినట్లు మిర్రర్ ఆన్ లైన్ రాసింది.

జాక్సన్ అంత్యక్రియల గురించి చివరి నిమిషం వరకు రహస్యంగా ఉంచారు. అభిమానులు తోసుకురావచ్చుననే భయంతో వారు ఆ పని చేశారు. జాక్సన్ భౌతిక కాయాన్ని తరలించే సమయంలో కూడా భద్రతా సమస్యలు తలెత్తవచ్చునని భయపడ్డారు. జాక్సన్ కుటుంబ సభ్యులకు, పారెస్టు లాన్ యాజమాన్యానికి తప్ప మరెవరికీ ఆయన భౌతిక కాయాన్ని ఎక్కడ సమాధి చేశారనే విషయం కచ్చితంగా తెలియదు.