సమస్యలపై ఉద్యమాలు చేస్తాం: చిరు

హైదరాబాద్: వర్షాభావ పరిస్థితులను ఎదుర్కోవడంలో ప్రభుత్వం విఫలమైందని ప్రజారాజ్యం పార్టీ అధినేత చిరంజీవి విమర్శించారు. ఆయన మంగళవారం మెదక్, కరీంనగర్ జిల్లాల్లో పర్యటించి ప్రజలను కలుసుకుని సమస్యలు తెలుసుకున్నారు. జిల్లా కలెక్టరేట్ ఎదుట పార్టీ చేపట్టిన ధర్నా కార్యక్రమంలో ఆయన పాల్గొన్నారు. రాష్ట్రంలో నెలకొన్న వర్షాభావ పరిస్థితి దృష్ట్యా కరవు మండలాలను ప్రకటించి రైతులకు ఇచ్చిన రుణాలను మాఫీ చేయాలని ఆయన డిమాండ్ చేశారు.

ప్రభుత్వ వైఫల్యంపై తాము పోరాటం చేస్తామని ఆయన చెప్పారు. రైతులను ఆదుకునేందుకు తమ పార్టీ ఎల్లవేళలా సిద్ధంగా ఉంటుందని ఆయన చెప్పారు. ప్రజా సమస్యలు పరిష్కరించేందుకు ప్రభుత్వంపై ఒత్తిడి తెస్తామని ఆయన చెప్పారు. ఉద్యమాల ద్వారా సమస్యల పరిష్కారానికి ప్రభుత్వంపై ఒత్తిడి తెస్తామని ఆయన చెప్పారు.