తిరుపతి లడ్డూల కొరత

తిరుపతి: శ్రీ వేంకటేశ్వర స్వామి తిరుపతి లడ్లకు తీవ్రమైన కొరత ఏర్పడింది. పోటు కార్మికులు విధులు బహిష్కరించడంతో లడ్ల తయారీ వెనకబడిపోయింది. దీంతో కొరత ఏర్పడింది. కాంట్రాక్టర్లు తమకు జీతాలివ్వడం లేదని ఆరోపిస్తూ దాదాపు 60 మంది పోటు కార్మికులు విధులు బహిష్కరించారు.

పోటు కార్మికుల ఆందోళనతో రోజుకు 30 వేల లడ్డూలు మాత్రమే తయారవుతున్నాయి. దీంతో భక్తులకు అందించే ప్రసాదంలో లడ్డూ కోత విధించారు. నెలరోజులుగా కాంట్రాక్టర్లు తమకు జీతాలు చెల్లించడం లేదని కార్మికులు తిరుమల తిరుపతి దేవస్థానం (టిటిడి) అధికారులకు ఫిర్యాదు చేశారు.