అమెరికాపై దాడికి కుట్ర: శ్వేతసౌధం

వాషింగ్టన్: 9/11 దాడి కుట్ర దారులు అమెరికాలో మరిన్ని దాడులకు కుట్ర చేస్తున్నారని శ్వేత సౌధం మంగళవారం ప్రకటించింది. అమెరికాపై తిరిగి దాడులకు ప్రణాళికలు రచిస్తున్నందు వల్లనే అమెరికా ఇంకా అఫ్ఘానిస్తాన్ లో తాన పాత్రను నిర్వహించాల్సి వస్తోందని అంటోంది. ఇంకా తమ కార్యకలాపాలను కొనసాగిస్తూ అమెరికాపై దాడులకు ప్రణాళికలు రచిస్తున్నారని, దాన్ని దృష్టిలో పెట్టుకునే అమెరికా అఫ్గానిస్తాన్ లో ఉంటోందని శ్వేతసౌధం డిప్యూటీ ప్రెస్ సెక్రటరీ బిల్ బర్టన్ అన్నారు.

అఫ్గానిస్తాన్ లోని తమ బలగాలు అత్యంత ప్రమాదకరమైన పరిస్థితుల్లో పని చేస్తున్నాయని, అవి అత్యంత ధైర్యసాహసాలు ప్రదర్శిస్తున్నట్లు ఒబామా అనుకుంటున్నట్లు ఆయన చెప్పారు. తమ దేశ భద్రతా బలగాల చర్యలను ఒబామా పూర్తిగా బలపరుస్తున్నారని ఆయన అన్నారు.