3గురు మహిళా మావోల హతం

విజయనగరం: ఆంధ్రా - ఒరిస్సా సరిహద్దుల్లోని విజయనగరం జిల్లా కేదారిపురంలో పోలీసులకు, మావోయిస్టులకు మధ్య జరిగిన ఎదురుకాల్పుల్లో ముగ్గురు మహిళా మావోయిస్టులు మరణించారు. ఈ ఎదురుకాల్పులు బుధవారం ఉదయం ఏడు గంటల ప్రాంతంలో జరిగాయి. మృతులను స్వర్ణ, దివ్య, భారతిలుగా గుర్తించారు. వీరు ముగ్గురు కూడా మావోయిస్టు పార్టీలో కీలకమైన నేతలని భావిస్తున్నారు.

సంఘటనా స్థలం నుంచి నాలుగు ఆయుధాలు, ఐదు కిట్ బ్యాగులు స్వాధీనం చేసుకున్నారు. వాటిలో రెండు ఎకె 47 రైఫిళ్లున్నాయి. ఒరిస్సా, ఆంధ్ర పోలీసులు సంయుక్తంగా గాలింపు జరుపుతుండగా నక్సలైట్లు ఎదురయ్యారు. పోలీసులను చూసి మావోయిస్టులు కాల్పులు జరిపారు. ప్రతిగా పోలీసులు ఎదురు కాల్పులు జరిపారు. ఈ ఎదురు కాల్పుల్లో ముగ్గుర మహిళా నక్సలైట్లు హతమయ్యారు.