అటు వైపు చెప్పారా: రోశయ్య

హైదరాబాద్: ప్రతిపక్షాల నాయకులు తమనే తప్పు పడుతున్నారు గానీ తెలుగుదేశం పార్టీకి ఏమైనా సూచనలు చేస్తున్నారా అని శాసనసభా వ్యవహారాల మంత్రి కె. రోశయ్య ప్రశ్నించారు. ఎర్రబెల్లి దయాకర రావుపై సస్పెన్షన్ ఎత్తివేయాలని ప్రతిపక్షాల నాయకులు చేసిన విజ్ఞప్తిపై ఆయన బుధవారం శాసనసభలో ప్రతిస్పందించారు. సస్పెండ్ అయిన తర్వాత సభ్యుడు బయటకు వెళ్లాలని సూచించారా అని ఆయన ప్రతిపక్షాలను అడిగారు.

తాను సభలో సంయమనం పాటించడానికి ప్రయత్నిస్తున్నానని, అయితే సాధ్యం కావడం లేదని ఆయన అన్నారు. తెలుగుదేశం సభ్యులకు కూడా సూచనలు చేయాలని ఆయన ప్రతిపక్షాలను కోరారు. ఎర్రబెల్లి దయాకరరావుపై ముఖ్యమంత్రి చేసిన వ్యాఖ్యపై శాసనసభలో తీవ్ర గందరగోళం చెలరేగింది.