తస్లీమా వీసా గడవు పొడగింపు

న్యూఢిల్లీ: బంగ్లాదేశ్ వివాదాస్పద రచయిత్రి తస్లీమా నస్రీన్ వీసా గడువును ప్రభుత్వం మరో ఆరు నెలల పాటు వచ్చే ఏడాది ఫిబ్రవరి 16వ తేదీ వరకు పొడగించింది. ఈ ఏడాది మార్చిలో ప్రభుత్వ ఆదేశాల మేరకు దేశం విడిచి వెళ్లిన నస్రీన్ ఆగస్టు 6వ తేదీన తిరిగి అడుగు పెట్టారు. ఇందిరా గాంధీ అంతర్జాతీయ విమానాశ్రయంలో దిగిన వెంటనే ఆమెను ఢిల్లీని రహస్య ప్రదేశానికి తీసికెళ్లారు.

ఆమె భారత వీసా గడువు ఈ నెల 17వ తేదీతో ముగుస్తుంది. దీంతో దాని గడువును పొడగించాలని ఆమె కోరారు. దాంతో ఆమె వీసా గడువును 2010 ఫిబ్రవరి 16వ తేదీ వరకు పొడగించినట్లు అధికార వర్గాలు చెప్పాయి. ఆమె రాసిన లజ్జ నవల వివాదాస్పదంగా మారింది. ఆమె భవిష్యత్తు కార్యక్రమమేమిటో తెలియడం లేదు. భారత దేశంలో ఆమె ఎక్కువ కాలం ఉండదలుచు కోలేదు. దీంతో ఆమె ఇక్కడి నుంచి వెళ్లిపోయే అవకాశాలున్నాయి. ఆమెకు ఇస్లాం మత ఛాందసవాదుల నుంచి ముప్పు ఉన్న విషయం తెలిసిందే.