అనంతపురంలో తొలి స్వైన్ ఫ్లూ కేసు

హైదరాబాద్: అనంతపురం జిల్లాలో తొలి స్వైన్ ఫ్లూ కేసు నమోదైంది. పూణే నుంచి వచ్చిన నారాయణ అనే విద్యార్థికి స్వైన్ ఫ్లూ లక్షణాలున్నట్లు వైద్యులు గుర్తించారు. దీంతో అతన్ని చికిత్స నిమిత్తం ఆస్పత్రికి తరలించారు. ఇప్పటి వరకు హైదరాబాద్ కే పరిమితమైన స్వైన్ ఫ్లూ కేసులు క్రమంగా జిల్లాలకు కూడా పాకుతున్నాయి. మలేసియా నుంచి వ్యక్తికి కడప జిల్లాలో స్వైన్ ఫ్లూ లక్షణాలు ఉన్నట్లు గురువారం గుర్తించిన విషయం తెలిసిందే.

ఇదిలా ఉంటే, వరంగల్ జిల్లాలో ఒక వ్యక్తికి, అతని మేనల్లుడికి స్వైన్ ఫ్లూ వ్యాధి సోకినట్లు అనుమానిస్తున్నారు. వరంగల్ జిల్లా ఇనుగుర్తి మండలంలో ఈ వ్యక్తులకు స్వైన్ ఫ్లూ ఉన్నట్లు అనుమానిస్తున్నారు. వారు ఆస్పత్రిలో పరీక్షలు చేయించుకుంటున్నారు.