జనవరిలో భారత్ కు తస్లీమా

న్యూఢిల్లీ: తాను వచ్చే ఏడాది జనవరిలో తిరిగి భారత్ కు వస్తానని బంగ్లాదేశ్ వివాదాస్పద రచయిత్రి తస్లీమా నస్రీన్ చెప్పారు. న్యూయార్క్ విశ్వవిద్యాలయంలో పరిశోధక విద్యార్థిగా చేరడానికి తాను అమెరికా వెళ్తున్నట్లు ఆమె శుక్రవారం మీడియా ప్రతినిధులతో చెప్పారు. తన వీసా గడువును వచ్చే ఏడాది ఫిబ్రవరి 15వ తేదీ వరకు పొడిగించినందుకు ఆమె భారత ప్రభుత్వానికి కృతజ్ఢతలు తెలిపారు.

తాను పరిశోధన చేయడానికే అమెరికా వెళ్తున్నట్లు ఆమె తిలెపారు. ఫెలోషిప్ ఈ ఏడాది డిసెంబరులో ముగుస్తుందని, తనను దత్తత తీసుకున్న భారత్ లో ఉండడానికి జనవరిలో తిరిగి వస్తానని ఆమె చెప్పారు. ఆమెకు ఇస్లాం మత ఛాందసవాదులను నుంచి ముప్పు ఉన్న విషయం తెలిసిందే.