సిబ్బంది కొరత నిజమే: మంత్రి

హైదరాబాద్: రాష్ట్రంలోని వైద్య కళాశాలల్లో బోధనా సిబ్బంది కొరత ఉన్న మాట వాస్తవమేనని వైద్య విద్యా మంత్రి సుదర్శన్ రెడ్డి అంగీకరించారు. తెలుగుదేశంతో పాటు వివిధ ప్రతిపక్షాలు వేసిన ప్రశ్నలకు ఆయన మంగళవారం శాసనసభలో సమాధానమిచ్చారు. ఆ కొరత తీర్చడానికి తాము ప్రయత్నిస్తున్నామని ఆయన చెప్పారు. వైద్య కళాశాలల్లో బోధనా సిబ్బంది, సదుపాయాల కొరతపై వేసిన ప్రశ్నలకు మంత్రి ఇచ్చిన సమాధానంతో ప్రతిపక్షాలు సంతృప్తి చెందలేదు.

వైద్య కళాశాలల్లో బోధనా సిబ్బంది, సదుపాయాల కొరతపై ప్రభుత్వం వెంటనే స్పందిస్తుందని, ఉన్నతాధికారులతో సమావేశం ఏర్పాటు చేసి సమస్యల పరిష్కారానికి కృషి చేస్తామని ఆర్థిక మంత్రి కె. రోశయ్య చెప్పారు. ప్రమోషన్లు ఇవ్వడంలో కూడా ఇబ్బందులు ఎదరువుతున్నాయని ఆయ చెప్పారు. ప్రతిపక్షాల సలహాలు కూడా తీసుకుని సమస్యలను పరిష్కరిస్తామని ఆయన చెప్పారు.