తాలిబన్ అధికార ప్రతినిధి అరెస్టు

ఇస్లామాబాద్: పాకిస్తాన్ తాలిబన్ కు మరో ఎదురు దెబ్బ తగిలింది. భద్రతా బలగాలు తాలిబన్ అధికార ప్రతినిధి మౌల్వీ ఒమర్ ను అదుపులోకి తీసుకున్నారు. తమ అగ్రనేత బైతుల్లా మసూద్ అమెరికా ద్రోన్ దాడుల్లో మరణించినట్లు అతను ధృవీకరించాడు. నిఘా అధికారులు ఈ విషయం చెప్పారు. ఒమర్ ను భద్రతా బలగాలు మొహ్మద్ జిల్లాలో అరెస్టు చేశారు.

ఒమర్ తో పాటు మరో ఇద్దరు బజాపూర్ జిల్లా వైపు వెళ్తుండగా సైనికులు వారిని అడ్డుకుని అదుపులోకి తీసుకున్నట్లు నిఘా వర్గాలు చెప్పాయి. పాకిస్తాన్ లో జరిగిన పలు ఉగ్రవాద దాడుల్లో తన పాత్ర ఉన్నట్లు ఒమర్ అంగీకరించినట్లు చెబుతున్నారు. అరెస్టు చేసిన వెంటనే ఒమర్ ను పెషావర్ కు తరలించారు.మసూద్ మరణించినట్లు తాలిబన్లు అధికారికంగా అంగీకరించడం లేదు. అయితే అమెరికా మాత్రం అతను మరణించినట్లే భావిస్తున్నారు.