బిజెపి నుంచి జస్వంత్ బహిష్కరణ

సిమ్లా: తమ సీనియర్ నేత జస్వంత్ సింగ్ ను భారతీయ జనతా పార్టీ (బిజెపి) బుధవారం బహిష్కరించింది. సిమ్లాలో చింతన్ బైఠక్ ప్రారంభమైన వెంటనే జస్వంత్ ను బహిష్కరిస్తూ పార్టీ నిర్ణయం తీసుకుంది. మొహమ్మద్ జిన్నాను తన పుస్తకంలో ప్రశంసించడంపై బిజెపి నాయకత్వం జస్వంత్ పై ఆగ్రహంగా ఉంది. జస్వంత్ రాసిన పుస్తకంతో తమకు సంబంధం లేదని బిజెపి మంగళవారంనాడే స్పష్టం చేసింది.

జస్వంత్ సింగ్ పుస్తకంలోని రాతలతో బిజెపి ఏకీభవించడం లేదని ఆ పార్టీ అధ్యక్షుడు రాజ్ నాథ్ సింగ్ మంగళవారం మీడియా ప్రతినిధులతో చెప్పారు. సిమ్లాలో చింతన్ బైఠక్ పాల్గొనడానికి జస్వంత్ సింగ్ కూడా వచ్చారు. అయితే ఆయన పార్టీనేతలకు దూరంగా ఉన్నారు. వారికి విడిగా వేరేగా ఆయన బస చేశారు.