రాసినవారినే అడగండి: శోభా నాగిరెడ్డి

హైదరాబాద్: తాను కాంగ్రెసు పార్టీలో చేరబోతున్నట్లు వచ్చిన వార్తలపై ప్రజారాజ్యం పార్టీ శాసనసభ్యురాలు శోభా నాగిరెడ్డి మండి పడ్డారు. వార్తలు రాసే ముందు మా అభిప్రాయాలు తీసుకోవాల్సిన అవసరం లేదా అని ఆమె బుధవారం మీడియా ప్రతినిధులను ప్రశ్నించారు. వార్తలు రాసినవారినే వివరణ అడగండని ఆమె మీడియా ప్రతినిధులకు సూచించారు. శోభానాగిరెడ్డి, భూమా నాగిరెడ్డి ప్రజారాజ్యం పార్టీకి రాజీనామా చేసి కాంగ్రెసులో చేరబోతున్నట్లు ఒక తెలుగు దినపత్రికలో బుధవారం వార్తాకథనం ప్రచురితమైంది.

ప్రజారాజ్యం మరో శాసనసభ్యుడు కాటసాని రామిరెడ్డితో పాటు భూమా దంపతులు కాంగ్రెసు పార్టీలో చేరడానికి రంగం సిద్ధం చేసుకున్నట్లు వార్త సారాంశం. కాటసాని రామిరెడ్డి మంగళవారంనాడు ముఖ్యమంత్రి డాక్టర్ వైయస్ రాజశేఖర రెడ్డిని కలిశారు. భూమా దంపతులతో పాటు కర్నూలు జిల్లాకు చెందిన ప్రజారాజ్యం పార్టీ నేతలు మూకుమ్మడిగా కాంగ్రెసులో చేరబోతున్నట్లు ఆ పత్రిక వార్త రాసింది.