రామ్ చరణ్ తేజకు సమన్లు

మచిలీపట్నం:మగధీర చిత్రంలో న్యాయవాదుల మనోభావాలను దెబ్బతీసేలా చిత్రీకరించిన అంశాలపై న్యాయవాది లంకిశె ట్టి బాలాజీ దాఖలు చేసిన పిటిషన్‌పై మంగళవారం కృష్ణాజిల్లా మచిలీపట్నం కోర్టులో విచారణ జరిగింది. ఈ కేసులో ప్రతివాదులైన రామ్‌ చరణ్‌ తేజ, రాజమౌళి, అరవింద్‌ తరఫున న్యాయవాది శింగలూరు శాంతిప్రసాద్‌ వకాల్తా దాఖ లు చేశారు.

ప్రతివాదులు కోర్టుకు హాజరుకావాలని ఆదేశిస్తూ న్యాయమూర్తి కేసును సెప్టెంబర్‌ 10వ తేదీకి వాయిదా వేశారు. మగధీర చిత్రంలో ముస్లింల మత జెండాను అవమానపరిచేలా చిత్రీకరించారని జిల్లా న్యాయసేవాధికార సంస్థలో పిటిషన్‌ దాఖలు చేయగా ప్రతివాదుల కు నోటీసులు పంపుతూ న్యాయమూర్తి ఆదేశాలు జారీచేశారు.