గ్రేటర్ ఎన్నికలకు సుప్రీమ్ గ్రీన్ సిగ్నల్

న్యూఢిల్లీ: గ్రేటర్ హైదరాబాద్ ఎన్నికలకు అడ్డంకులు తొలగిపోయాయి. గ్రేటర్ హైదరాబాద్ ఎన్నికలపై విధించిన స్టేను సుప్రీంకోర్టు శుక్రవారం ఎత్తివేసింది. గ్రేటర్ హైదరాబాద్ ఎన్నికలు నిర్వహించుకోవచ్చునని చెప్పింది. క్రీమీ లేయర్ పాటించాల్సిన అవసరం లేదని సుప్రీంకోర్టు తెలియజేసింది. క్రీమీ లేయర్ పాటించాల్సిన అవసరం లేదని వాదించే వర్గాలు అఫిడవిట్ దాఖలు చేయాలని సుప్రీంకోర్టు సూచించింది.

ఎన్నికలు హైకోర్టు తుది తీర్పునకు లోబడి ఉండాలని కూడా సుప్రీంకోర్టు చెప్పింది. గ్రేటర్ హైదరాబాద్ ఎన్నికల్లో క్రీమీలేయర్ పాటించాలని కోరుతూ దాఖలైన పిటిషన్ పై సుప్రీంకోర్టు విచారణ చేసింది. ఇందుకు సంబంధించిన కేసులను అన్నింటినీ తోసిపుచ్చింది. గ్రేటర్ హైదరాబాద్ ఎన్నికలు అక్టోబర్ మొదటివారంలో జరిగే అవకాశం ఉంది.