చంద్రబాబుతో నారాయణ బేటి

హైదరాబాద్: తెలుగుదేశం పార్టీ అధ్యక్షుడు నారా చంద్రబాబు నాయుడితో సిపిఐ రాష్ట్ర కార్యదర్శి కె. నారాయణ శుక్రావరం భేటీ అయ్యారు. శాసనసభ ఆవరణలోని తెలుగుదేశం శాసనసభా పక్షం కార్యాలయంలో వారిద్దరు సమావేశమయ్యారు. గ్రేటర్ హైదరాబాద్ ఎన్నికలపై వారిద్దరి మధ్య చర్చ జరిగినట్లు సమాచారం.

గ్రేటర్ హైదరాబాద్ ఎన్నికల్లో తెలుగుదేశం పార్టీతో వామపక్షాలు పొత్తు కుదుర్చుకునే ఆలోచనలో ఉన్నాయి. సిపిఐతో పాటు సిపిఎం కూడా గ్రేటర్ హైదరాబాద్ ఎన్నికల్లో తెలుగుదేశంతో వెళ్లాలనే ఉద్దేశంతో ఉన్నట్లు సమాచారం. ప్రజారాజ్యంతో సిపిఐ పొత్తు కుదుర్చుకునేందుకు ఉత్సుకత ప్రదర్శిస్తుందనే ప్రచారం జరుగుతున్న నేపథ్యంలో ఆ విషయంపై చంద్రబాబుకు స్పష్టత చేకూర్చడానికి నారాయణ ఈ భేటీని వాడుకున్నట్లు చెబుతున్నారు.