రావణ్ కు అధికారిక చిక్కులు

న్యూఢిల్లీ: మణిరత్నం రావణ్ చిత్రం మరోసారి చిక్కుల్లో పడింది. రావణ్ చిత్రానికి సంబంధించిన 11 మందిపై అహ్మద్ నగర్ అటవీ అధికారులు ఫిర్యాదు నమోదు చేశారు. షూటింగ్ కోసం అనధికారికంగా అడవిలో సెట్ వేసినందుకు వారు ఈ ఫిర్యాదు నమోదు చేశారు. లోకేషన్ నుంచి ఒక జెసిబిని, నాలుగు ట్రాక్టర్లను కూడా అటవీ శాఖ అధికారులు స్వాధీనం చేసుకున్నారు.

రావణ చిత్రంలో బాలీవుడ్ దంపతులు అభిషేక్ బచ్చన్, ఐశ్వర్యారాయ్ ముఖ్య పాత్రలు పోషిస్తున్న విషయం తెలిసిందే. కేరళలోని అతిరిపల్లి జలపాతం వద్ద షూటింగ్ కోసం తెచ్చిన ఏనుగు బీభత్సం సృష్టించడం వల్ల దాని మావటి ఇటీవల మరణించిన విషయం తెలిసిందే.