పూణేలో మరో స్వైన్ ఫ్లూ మృతి

పూణే: మహారాష్ట్రలోని పూణే నగరంలో స్వైన్ ఫ్లూ మహమ్మారి ఇంకా తన విశ్వరూపం ప్రదర్శిస్తూనే ఉంది. పూణేలో తాజాగా శనివారం మరో మరణం సంభవించింది. దీంతో పూణేలో స్వైన్ ఫ్లూ మరణాల సంఖ్య 20కి చేరుకుంది. శనివారంనాడు బాబన్ హంగులే అనే 60 ఏళ్ల వ్యక్తి స్వైన్ ఫ్లూతో మరణించాడు.

బాబన్ హంగులే ఈ నెల 19వ తేదీన సస్సూన్ ఆస్పత్రిలో చేరినట్లు అధికార వర్గాలు చెప్పాయి. విద్యాసంస్థలను ఎప్పుడు తిరిగి తెరుస్తారనే విషయాన్ని అధికారులు ఇంకా చెప్పలేకపోతున్నారు. ఆగస్టు 3వ తేదీన ఫూణేలో మొదటి స్వైన్ ఫ్లూ మరణం సంభవించింది. స్వైన్ ఫ్లూ వీరవిహారం చేస్తుండడంతో వారం రోజులుగా విద్యాసంస్థలను మూసేశారు.