పాక్ కు ఇస్తూనే ఉంటాం: కృష్ణ

న్యూఢిల్లీ: ముంబై దాడులపై పాకిస్తాన్ కు ఎప్పటికప్పుడు సాక్ష్యాలను అందిస్తూనే ఉంటామని విదేశాంగ మంత్రి ఎస్ఎం కృష్ణ చెప్పారు. దొరికినవి దొరినట్లు పాక్ కు సాక్ష్యాలు అందిస్తామని ఆయన అన్నారు. ఉగ్రవాద దాడులపై సమాచారం అందించడం లేదని పాకిస్తాన్ శుక్రవారం విమర్శించిన నేపథ్యంలో కృష్ణ శనివారం ఆ ప్రకటన చేశారు. పాకిస్తాన్ తో భారత్ తన సంబంధాలను కొనసాగిస్తుందని, సాక్ష్యాలు లభ్యమైతే వెంటనే అందిస్తామని ఆయన చెప్పారు.

పాకిస్తాన్ ప్రభుత్వంతో తాము నిరంతర సంబంధాల్లో ఉన్నామని, ఇది పాకిస్తాన్, భారత్ ల మధ్య నిత్యం కొనసాగే ప్రక్రియ అని ఆయన అన్నారు. శుక్రవారం భారత్ సేకరించిన సమాచారాన్ని అందులో భాగంగానే విదేశాంగ కార్యదర్శి శుక్రవారం పాకిస్తాన్ కు పంపించినట్లు ఆయన తెలిపారు.