జార్ఖండ్ లో మావోల విధ్వంసం

రాయపూర్: జార్ఖండ్ లో మావోయిస్టులు సోమవారం పెట్రేగిపోయారు. రాష్ట్రంలోని లతేహార్ జిల్లాలో వారు రైల్వై ట్రాక్ ను పేల్చేశారు. అయితే ఈ సంఘటనలో ప్రాణ నష్టమేమీ సంభవించలేదు. మరో సంఘటనలో పాలం జిల్లాలో నక్సలైట్లు బిఎస్ఎన్ఎల్ టవర్ ను పేల్చేశారు.

మావోయిస్టులు ఆదివారం రెండు రోజుల బంద్ కు పిలుపునిచ్చారు. పశ్చిమ బెంగాల్, బీహార్, ఒరిస్సా, జార్ఖండ్, ఛత్తీస్ ఘట్ రాష్ట్రాల బంద్ తలపెట్టారు. బీహార్ లో ఈ నెల 19వ తేదీన అరెస్టయిన తమ ఇద్దరు కార్యకర్తలను వదిలేయాలని డిమాండ్ చేస్తూ వారు ఈ బంద్ కు పిలుపునిచ్చారు.