భూ ఫోర్జరీ కేసులో ఎమ్యెల్యే

హైదరాబాద్: మహబూబ్ నగర్ జిల్లా షాద్ నగర్ శాసనసభ్యుడు ప్రతాపరెడ్డిపై, మరో పది మందిపై 11 మంది భూఫోర్జరీ కేసు నమోదైంది. షాద్ నగర్ శాసనససభా నియోజకవర్గంలో 155 ఎకరాల పొలానికి సంబంధించి ఈ కేసు నమోదైంది. కంటోన్మెంట్ శాసనసభ్యుడు పి.శంకరరావు కుటుంబ సభ్యులపై కూడా ఈ కేసు నమోదైనట్లు సమాచారం.

పొలానికి సంబంధించి బాధితులు పోలీసులను ఆశ్రయించారు. దీనికి సంబంధిచి దర్యాప్తు చేసి కేసు నమోదు చేయాలని వచ్చిన ఆదేశాల మేరకు పోలీసులు కేసు నమోదు చేశారు. షాద్ నగర్ ఎమ్మార్వో శ్రీనివాసాచారిపై కూడా కేసు నమోదైంది. అయితే తమపై వచ్చిన ఆరోపణలను షాద్ నగర్ శాసనసభ్యుడు ప్రతాపరెడ్డి, కంటోన్మెంట్ శాసనసభ్యుడు పి. శంకరరావు సోమవారం మీడియా ప్రతినిధుల సమావేశంలో ఖండించారు.