ఓబుళాపురంపై సుప్రీం నోటీసులు

న్యూఢిల్లీ: రాష్ట్రంలోని ఓబుళాపురం గనుల వ్యవహారంపై సుప్రీంకోర్టు సోమవారం కేంద్ర, రాష్ట్ర ప్రభుత్వాలకు నోటీసులు జారీ చేసింది. ఓబుళాపురం గనుల రీసర్వేపై సమాధానం ఇవ్వాలని సుప్రీంకోర్టు కేంద్ర, రాష్ట్ర ప్రభుత్వాలను ఆదేశించిది.ఓబుళాపురం గనుల్లో అక్రమ తవ్వకాలు జరుగుతున్నాయని ఆరోపిస్తూ కొన్ని కంపెనీలు సుప్రీంకోర్టులో పిటిషన్ దాఖలు చేశాయి. ఈ పిటిషన్ పై సుప్రీంకోర్టు ఆ నోటీసులు జారీ చేసింది.

పర్యావరణ మంత్రిత్వ శాఖ గతంలో ఓబుళాపురం గనుల రీసర్వేకు ఆదేశించింది. గనుల తవ్వకాలపై రీసర్వే చేయిస్తామని పర్యావరణ మంత్రి జైంరాం రమేష్ రాజ్యసభలో హామీ కూడా ఇచ్చారు. ఆరు వారాల్లో రీసర్వే చేయిస్తామని ఆయన హామీ ఇచ్చారు. ఆ మేరకు రీసర్వే జరిగిందా, లేదా అనే అంశంపై సమాధానం ఇవ్వాలని సుప్రీంకోర్టు కేంద్ర, రాష్ట్ర ప్రభుత్వాలకు నోటీసులు జారీ చేసింది.