71కి చేరిన స్వైన్ ఫ్లూ మృతులు

న్యూఢిల్లీ: దేశంలో స్వైన్ ఫ్లూ వల్ల మరణించిన వారి సంఖ్య 71కి చేరుకుంది. తాజాగా ఆదివారకం పూణేలో ముగ్గురు, అహ్మదాబాద్ లో ఒక్కరు స్వైన్ ఫ్లూ వ్యాధికి బలయ్యారు. మహారాష్ట్ర, గుజరాత్ రాష్ట్రాల్లోనూ తాజాగా మరణాలు సంభవించాయి. దీంతో స్వైన్ ఫ్లూ మృతుల సంఖ్య 71కి చేరుకుంది. పూణేలో రెండున్నరేళ్ల బాలిక ఆదివారం స్వైన్ ఫ్లూ వల్ల మరణించింది. దీంతో పూణేలో స్వైన్ ప్లూ మరణాల సంఖ్య 23కు చేరుకుంది.

కమల్ బాలా సాహెబ్ వాగ్లే అనే 42 వ్యక్తి భారతి ఆస్పత్రిలో మరణించాడు. తాయ్ ఆరుణ్ బాగల్ అనే బాలిక కమాండ్ ఆస్పత్రిలో మరణించింది. వడొదరాలో మూడో మరణం సంభవించింది. బరూచాకు చెందిన హస్ముఖ్ హింగూ మరణం సంభవించింది. గుజరాత్ లో ఇది ఆరో స్వైన్ ఫ్లూ మరణం.

కాగా, వారం రోజులుగా పూణేలో మూతపడిన పాఠశాలలు సోమవారం తిరిగి తెరుచుకున్నాయి. వివిధ రాష్ట్రాల్లో సోమవారం తాజాగా వంద కేసులు నమోదయ్యాయి. పూణేలో స్వైన్ ఫ్లూ వల్ల మరణించినవారి సంఖ్య 23కు చేరుకుంది. మహారాష్ట్రలో ఇప్పటి వరకు వాటితో కలుపుకుని 39 మంది మృత్యువాత పడ్డారు.