కర్నాటకలో మరో స్వైన్ మృతి

బెంగుళూర్: కర్నాటక రాష్ట్రంలో మరో స్వైన్ ఫ్లూ మరణం నమోదైంది. దీంతో కర్నాటకలో స్వైన్ ఫ్లూ వల్ల మరణించిన వారి సంఖ్య 15కు చేరుకుంది. 28 ఏళ్ల యువకుడు స్వైన్ ఫ్లూతో మరణించినట్లు ఆరోగ్య శాఖ అధికారులు మంగళవారం చెప్పారు. సిద్దరాజు అనే యువకుడు రాజీవ్ గాందీ చెస్ట్ ఆస్పత్రిలో ఈ నెల 21వ తేదీన చేరి ఆదివారం మరణించినట్లు వారు చెప్పారు.

అతనికి చికెన్ గున్యా సోకినట్లు కూడా నిర్ధారణ అయింది. కర్నాటకలో కొత్తగా తొమ్మిది స్వైన్ ఫ్లూ కేసులు నమోదయ్యాయి. వీటిలో ఎనిమిది బెంగుళూర్ లో, ఒకటి షిమోగాలో నమోదైనట్లు అధికారులు చెప్పారు. మహారాష్ట్ర తర్వాత స్వైన్ ఫ్లూతో అల్లాడుతున్న రెండో రాష్ట్రంగా కర్నాటక విలవిలలాడుతోంది.