టార్గెట్ చిత్ర నిర్మాత అదృశ్యం

హైదరాబాద్: టార్గెట్ చిత్ర నిర్మాత సింగిశెట్టి దశరథ్ అదృశ్యమయ్యాడు. అతను అదృశ్యమైనట్లు ఆయన కుమారుడు సికింద్రాబాదులని బోయినపల్లి పోలీసు స్టేషనులో మంగళవారం ఫిర్యాదు చేశాడు. శివబాలాజీ, శ్రద్ధాదాస్, ముమైత్ ఖాన్ లతో దశరథ్ టార్గెట్ అనే తెలుగు చిత్రాన్ని నిర్మించాడు. ఈ చిత్ర నిర్మాణానికి దశరథ్ పైనాన్షియర్ రామకృష్ణయ్య వద్ద కోటిన్నర రూపాయలు అప్పుగా తీసుకున్నట్లు సమాచారం. అందుకు రామకృష్ణయ్యకు చెక్కులు ఇచ్చాడు.

సినిమా వ్యాపారపరంగా హిట్ కాకపోవడంతో దశరథ్ దివాళా తీశాడు. చేసిన అప్పులు తీర్చలేక ఇంట్లోంచి వెళ్లిపోతున్నట్లు దశరథ్ తన భార్యకు ఓ లేఖ రాసిపెట్టి వెళ్లిపోయాడు. తనను ల్యాబ్ మేనేజర్ కళ్యాణ్, ఫైనాన్షియర్ మోసం చేశారని అతను ఆ లేఖలో రాశాడు. శాటిలైట్, డబ్బింగ్ రైట్స్ కూాడ ఫైనాన్షియర్ రాయించుకుని మోసం చేశాడని అతను ఆరోపించాడు.