స్పీకర్ అవమానిస్తున్నారు: చిరు

హైదరాబాద్: స్పీకర్ కిరణ్ కుమార్ రెడ్డి ప్రతిపక్షాలను అవమానిస్తున్నారని ప్రతిపక్ష నాయకుడు నారా చంద్రబాబు నాయుడు విమర్శించారు. స్పీకర్ సభను ఏకపక్షంగా నడిపిస్తున్నారని ఆయన బుధవారం శాసనసభలో వ్యాఖ్యానించారు. తాము సభను నడవకుండా చేస్తున్నామనే అభిప్రాయాన్ని కల్పించడానికి ముఖ్యమంత్రి డాక్టర్ వైయస్ రాజశేఖర రెడ్డి ప్రయత్నిస్తున్నారని ఆయన వ్యాఖ్యానించారు.

అధికార పక్షానికి మాత్రమే స్పీకర్ మాట్లాడేందుకు అవకాశమిస్తున్నారని ఆయన అన్నారు. ముఖ్యమంత్రి చెప్తే స్పీకర్ సభను వాయిదా వేస్తున్నారని ఆయన అన్నారు. ప్రతిపక్షాల మనోభావాలను స్పీకర్ పరిగణనలోకి తీసుకోవడం లేదని ఆయన అన్నారు. ప్రతిపక్షాలకు బాసటగా నిలవడంలో, ప్రతిపక్షాల హక్కులను కాపాడడంలో స్పీకర్ విఫలమయ్యారని ఆయన అన్నారు. ప్రజాసమస్యలు చర్చకు రాకుండా అధికార పక్షం అడ్డుపడుతోందని ఆయన అన్నారు. ప్రతిపక్షాల అభిప్రాయాలు ప్రజలకు చేరనివ్వడం లేదని ఆయన అన్నారు.