దత్ విముక్తికి కేంద్రం కొర్రీ

న్యూఢిల్లీ: ముంబై పేలుళ్ల కేసులో నిందితుడు, బాలీవుడ్ నటుడు సంజయ్ దత్ ను టాడా ఆరోపణల నుంచి విముక్తి చేయడాన్ని కేంద్రం ప్రభుత్వం సుప్రీంకోర్టులో సవాల్ చేయనుంది. సంజయ్ దత్ సమాజ్ వాదీ పార్టీలో చేరిన విషయం తెలిసిందే. సంజయ్ దత్ ను టాడా ఆరోపణల నుంచి విముక్తి చేయడం వల్ల ఇతర నిందితులకు అవకాశం కల్పించినట్లవుతుందని కేంద్ర ప్రభుత్వం అభిప్రాయపడుతోంది.

సంజయ్ దత్ ను టాడా ఆరోపణల నుంచి విముక్తి చేయడాన్ని సవాల్ చేస్తూ సుప్రీంకోర్టులో పిటిషన్ దాఖలు చేయాలని ప్రభుత్వం అటార్నీ జనరల్, సొలిసిటర్ జనరల్ కు సూచించింది. టాడా ఆరోపణల నుంచి విముక్తి లభించిన వెంటనే సంజయ్ దత్ కు బెయిల్ మంజూరైంది. దీంతో ఆయన జైలు నుంచి విడుదలయ్యారు. ఇటీవలి ఎన్నికలకు ముందు సమాజ్ వాదీ పార్టీలో చేరి ప్రచారం కూడా నిర్వహించారు.