బాబు చెప్పినట్లు సాగదు: రోశయ్య

హైదరాబాద్: ప్రతిపక్ష నాయకుడు నారా చంద్రబాబు నాయుడు చెప్పినట్లు సభ నడవదని, నియమ నిబంధనల ప్రకారమే సభ నడుస్తుందని శాసనసభా వ్యవహారాల మంత్రి కె రోశయ్య అన్నారు. శాసనసభ సజావుగా సాగాలంటే ముఖ్యమంత్రి డాక్టర్ వైయస్ రాజశేఖర రెడ్డి, మంత్రి రోశయ్య నియంత్రణ పాటించాలని చంద్రబాబు చేసిన వ్యాఖ్యగా రోశయ్య బుధవారం శాసనసభలో తీవ్రంగా ప్రతిస్పందించారు. నియమ నిబంధనల మేరకే సభ నడుస్తుందని ఆయన చెప్పారు.

తనకు ఎవరి మీద కూడా వ్యక్తిగత విభేదాలు లేవని ఆయన స్పష్టం చేశారు. తాను మాట్లాడుతుండగా ప్రతిపక్ష సభ్యులు రన్నింగ్ కామెంట్రీ చేస్తున్నారని, సభలో దాడులు ప్రతిదాడులు జరగడం లేదని ఆయన అన్నారు. గతాన్ని మరిచి ఇప్పటికై సభను సజావుగా నడుపుడుకుందామని ఆయన సలహా ఇచ్చారు.