అతనికి 14 మంది భార్యలు

ముంబై: ఇద్దరు భార్యలతోనే కాపురం చేయడం గగనమైన ఈ రోజుల్లో ఓ వ్యక్తి ఏకంగా 14 మంది భార్యలతో గత రెండేళ్లుగా కాపురం చేస్తున్న వైనం వెలుగులోకి వచ్చింది. 14 మందిని పెళ్లి చేసుకున్నందుకు గాను ఎయిర్ ఇండియాలో ఇంజినీరింగ్ గా పనిచేస్తున్న 40 ఏళ్ల వ్యక్తిని పోలీసులు ఈ నెల 18వ తేదీన అరెస్టు చేశారు. అరెస్టయిన వెంటనే తుషార్ వాగ్మారే అలియాస్ తుషార్ బాపట్ అనే ఆ వ్యక్తి ఉద్యోగం కూడా పోయింది.

ఇప్పటి వరకు వాగ్మారేకు వ్యతిరేకంగా ఐదు అధికారిక ఫిర్యాదులు నమోదయ్యాయి. తమ పరువు పోతుందనే భయంతో మిగతా తొమ్మిది మంది ఫిర్యాదు చేయడానికి ముందుకు రావడం లేదని అధికారులు చెప్పారు. తన వివరాలను అతను ఒక మ్యారేజీ పోర్టల్ లో ఉంచాడు. తాను 2006లో భార్యకు విడాకులు ఇచ్చినట్లు, తనకు బ్రాహ్మణ మహిళ పెళ్లికి కావాలని, ఆమె విధవ అయినా విడాకులు తీసుకున్న మహిళ అయినా ఫరవా లేదని చెప్పుకున్నాడు. ఆ రకంగా అతను రెండున్నర నెలల్లో 14 మందిని పెళ్లి చేసుకున్నాడు.