బుర్ఖా గొడవ: విద్యార్థుల ఆందోళన

హైదరాబాద్: హైదరాబాద్ లోని మెహిదీపట్నంలో గల వాణి డిగ్రీ కళాశాల విద్యార్థులు శుక్రవారం ఆందోళనకు దిగారు. ప్రిన్సిపాల్ తో వారు ఘర్షణకు తెగబడ్డారు. బురఖాలు ధరించి విద్యార్థినులు కళాశాలకు రావద్దని ప్రిన్సిపాల్ అనడంతో వారు వివాదానికి దిగారు. ప్రిన్సిపాల్ తమపట్ల దురుసుగా ప్రవర్తించారని ఆరోపిస్తూ విద్యార్థులు కళాశాలపై దాడి చేసి అద్దాలను ధ్వంసం చేశారు. రాస్తారోకో నిర్వహించారు.

సమాచారం తెలిసిన వెంటనే పోలీసులు అక్కడికి చేరుకున్నారు. పరిస్థితిని చక్కదిద్దేందుకు ప్రయత్నించారు. అయితే ఆగ్రహంగా ఉన్న విద్యార్థులు వారిపై రాళ్లు విసిరారు. దీంతో పరిస్థితి ఉద్రిక్తంగా మారింది. ప్రిన్సిపాల్ ను సస్పెండ్ చేయాలని విద్యార్థులు డిమాండ్ చేస్తున్నారు.