జస్వంత్ కు మనేకా బాసట

న్యూఢిల్లీ: బహిష్కృత నేత జస్వంత్ సింగ్ కు బిజెపి నేత మనేకా గాంధీ మద్దతు పలికారు. జిన్నాపై రాసిన పుస్తకంలో జస్వంత్ పై పార్టీ అనుచితంగా వ్యవహరించిందని ఆమె అన్నారు. చింతన్ బైఠక్ సందర్భంగా జస్వంత్ సింగ్ ను పార్టీ నుంచి బహిష్కరించడం అవాంఛనీయమని ఆమె వ్యాఖ్యానించారు. జస్వంత్ ను బహిష్కరించడానికి ముందు పుస్తకం చదివి ఉండాల్సిందని మనేకా అన్నారు.

గుజరాత్ ప్రభుత్వం పుస్తకాన్ని నిషేధించడాన్ని కూడా ఆమె తప్పు పట్టారు. దేశంలో పుస్తకం అభివ్యక్తికి వాహకమని, భావ ప్రకటనా స్వేచ్ఛలో భాగమని ఆమె అన్నారు. పుస్తకాన్ని నిషేధించడమంటే ఆలోచనను నిషేధించమేనని ఆమె వ్యాఖ్యానించారు. సల్మాన్ రష్డీ సటానిక్ వర్సెస్ ను నిషేధించడానికి జస్వంత్ పుస్తకాన్ని నిషేధించడానికి మధ్య తేడా ఏమీ లేదని ఆమె అన్నారు.